Beef And Vegetable In Chinese Style (گائے کا گوشت اور سبزی (چائنیز اسٹائل میں

ایک برتن میں گوشت کو ڈال کر اس میں پانی، نمک، سیاہ مرچ اور ادرک ڈالیں اور اس کو گَلنے کےلئے چولہے پر رکھ دیں۔

جب گوشت گَل جائے اور یخنی ڈیڑھ کپ رہ جائے تو اتار لیں۔

اب شملہ مرچ اور پیاز چوکور کاٹ لیں۔

گاجر اور بند گوبھی کو چوکور شکل کے چھوٹے چھوٹے ٹکڑوں میں کاٹ لیں۔

کارن آئل کو گرم کریں اور شملہ مرچ، پیاز، گاجر، بند گوبھی کو باری باری آئل میں فرائی کرکے نکال لیں۔

اسی آئل میں گوشت کو تَل لیں اور یخنی بھی ڈال دیں۔

آدھے کپ پانی میں کارن فلور، سرکہ، اجینو موتو، سویا ساس اور چینی ڈال کر خوب مکس کریں۔

پھر گوشت ڈال کر چولہے پر رکھ دیں۔

جب گاڑھا ہو جائے تو فرائی کی ہوئی سبزیاں ڈال کر چند منٹ پکائیں اور اتار لیں۔

مزیدار بیف سبزی ڈِش تیار ہے۔