Stuffed Roasted Whole Chicken with Kashmiri Steamed Potato ثابت بھنا اور بھرا ہوا چکن

ثابت بھنا اور بھرا ہوا چکن:ایک فرائنگ پین میں لہسن کے جوئے، مونگ پھلی، زیرہ اور ثابت دھنیا بھون لیں جیسے ہی خوشبو آنے لگے اسے چولہے سے اتار لیں۔

پیاز کا چھلکا اتار کر چولہے پر رکھ کر بھون لیں۔

خشخاش کو ایک الگ پین میں شامل کرکے اس کا پانی خشک کرلیں اور تین کھانے کے چمچ آئل میں بھون لیں۔

اب تمام بھونے ہوئے اجزاء (لہسن، مونگ پھلی، زیرہ، ثابت دھنیا، پیاز، خشخاش) بلینڈر میں شامل کرکے آئل اور تھوڑے سے پانی کے ساتھ بلینڈ کرکے اس کا پیسٹ بنالیں۔

ایک الگ پیالے میں کچری پاؤڈر، پسا ہوا دھنیا، آئل اور تھوڑا سا پانی ڈال کر اچھی طرح مکس کرلیں۔

اب ایک پیالے میں پانی ڈال کر چکن کو اچھی طرح دھولیں اور اسے نمک لگا کر دس سے پندرہ منٹ کےلئے چھوڑ دیں۔

اب پیسٹ کا کچھ حصہ چکن کے اوپر لگا دیں اور باقی پیسٹ میں کشمیری مرچ پیسٹ اور لال مرچ پاؤڈر پیسٹ کو شامل کرکے مکس کردیں اور اسے چکن کے اندر بھر دیں اور اسے کچھ دیر کےلئے چھوڑ دیں۔

پھر چکن کی ٹانگوں کو دھاگے کی مدد سے باندھ دیں اور بقیہ بچے ہوئے پیسٹ کو چکن کے ارد گرد رکھ کر اوون میں چالیس سے پینتالیس منٹ کے لئے بیک کر لیں۔

کشمیری دم آلو:ایک پین میں تھوڑا سا تیل گرم کریں اور اس میں ثابت آلوؤں کو چھلے کے ساتھ ہلکا براؤن کرکے نکال لیں۔

پھر ان آلوؤں کو دو دو ٹکڑوں میں کاٹ لیں۔

اب پیاز کو پین میں ڈال کر گولڈن براؤن کر لیں۔

اب اس میں خشخاش، ثابت لال مرچ، ثابت دھنیا اور سفید زیرہ ڈال کر اچھی طرح بھون کر پیسٹ بنالیں۔

اب ایک الگ پین میں تیل گرم کرکے تیز پتہ، دار چینی، الائچی اور تیار شدہ پیسٹ ڈال کر بھون لیں جب بھن جائے تو اس میں ادرک لہسن کا پیسٹ، ہلدی اور گرم مصالحہ ڈال کر اچھی طرح بھون لیں۔

جب یہ تمام آمیزہ بھن جائے تو اس میں ٹماٹو پیوری اور تھوڑا تھوڑا کرکے دہی بھی اس میں شامل کرکے بھون لیں۔

پھر اس میں آلو شامل کر دیں اور اچھی طرح مکس کر دیں۔

پھر اسے ڈھکن سے ڈھانپ کر پکنے کےلئے رکھ دیں۔

جب دم آلو تیار ہوجائیں تو انہیں بھنے ہوئے چکن میں شامل کردیں۔

آخر میں ہرے دھنیے سے گارنش کرکے سرو کریں۔